باسيل: هل قول الحقيقة والواقع يعني رفض للحوار أو تحصين له؟

كتب النائب جبران باسيل عبر حسابه في منصّة “X”: “ما فهمت كيف الحرص على الحوار لانتخاب رئيس هو رفض للحوار؟! كل شغلة لها شروطها وظروفها لحتى تنجح. إذا قلنا إنّه لازم نتفق بالحوار على برنامج العهد بخطوطه العريضة لحتى ننتخب رئيس على أساسه وينجح بعهده، منكون عم نرفض الحوار أو حريصين على إنجاح العهد؟!”.

وأضاف: “إذا قلنا إنو رؤساء الأحزاب لازم يكونوا بالحوار لحتّى يكون في قرار مش بس كلام، منكون عم نرفض الحوار؟ إذا قلنا إنو بدّنا إدارة محايدة وليس ترؤّس من طرف أساسي بالنزاع لحتّى يكون في توازن ونتيجة توافقية، منكون عم نرفض الحوار او عم نؤمن نجاحه؟!”.

وتابع: “إذا قلنا إنّ الحوار ما لازم ياخد شكل تقليدي وطاولة مستديرة فقط، بل نخلق ظروف للبحث الثنائي والثلاثي والمتعدّد الأطراف والجماعي لكي يكون هناك فرصة حقيقيّة للإنقاذ وليس كلام نمطي على طاولة واحدة لن تقرّر اسم الرئيس، فهل قول الحقيقة والواقع يعني رفض للحوار أو تحصين له؟ نحن قلنا ومنكرّر أنّنا مع حوار جدّي ينجح، من لا يريد الحوار هو من يرفض تأمين ظروف النجاح له”.